陳智燊宋熙年各自各買樓

藝人陳智燊(Jason)早前在柴灣工業大廈為「中原電器」拍攝平面廣告，已連續三年成為代言人的他今次亦要為廣告轉換三個不同年代的造型，包括參考荷里活型男里奧勒度狄卡比奧(Leonardo DiCaprio)電影中的20年代紳士造型、60年代的樂隊披頭四(The Beatles)及人氣韓劇《來自星星的你》金秀賢造型，他表示這3個跨時代造型均十分考功夫，而自己則特別喜愛20年代造型:「因為件衫嘅細節位同現代衫好唔同，不過60年代就好玩啲，因為個頭要駁髮。」

他透露三度代言價有6位數字，問到是否已搵夠「老婆本」時，他笑說:「未呀，其實都冇限定一個數。」他表示聽聞年尾樓價有機會回落，故現在只希望不要亂使錢才可買樓上車!不過他笑着否認是跟緋聞女友宋熙年築愛巢，他說:「未必係，因為啲錢放喺銀行唔升值，希望買500-600呎單位，唔使供得咁吃力。」

跟宋熙年同樣住在將軍澳的他，被問會否在同區置業以便近水樓台，他想了想說:「上車就未必會買將軍澳，因為要睇返回報，我以前都有諗大埔、新界地方，因為我婆婆住嗰度，離公司遠少少都得。（會同宋熙年分隔得好遠?）如果租出去當投資，就唔係一個擔心嘅問題。（佢有畀意見你?）佢都想買樓。（夾埋一齊買？）未必會喇，想買啲自己handle到嘅，各自買啦！」