譚詠麟身手了得嫌棄對手弱

年年25歲嘅譚詠麟 （阿倫）不愧為樂壇長青樹，身形FIT過唔少年青人，當中秘訣一啲都唔難，就係經常做運動，阿倫就係微博放咗啲去打羽毛球嘅相，係比賽之前佢就十分謙虛咁話：「今晚對手強勁先練習一下！」仲以為會有一場龍爭虎鬥，估唔到轉頭阿倫又係微博放相，今次就一反之前謙虛嘅態度，佢仲牙擦擦咁話：「沒想到零準確竟然就是我的對手，他自己說羽毛球好厲害自小學一年班已開始打球了。果然他打出水準，打番當年一年級時候的水準；結果可想而知了！」睇完佢咁講，真係感覺到乜嘢叫無敵是最寂寞。