甩拖吳業坤捐$523向吳若希示愛

無綫「巨聲幫」成員吳業坤、胡鴻鈞及馮允謙到旺角麥花臣場館，出席《Panasonic學界籃球邀請賽》，三人代表VR1隊對戰香港女子籃球隊，賽事分四節，每節十分鐘，VR1的比分一度拋離香港女子籃球隊逾十分，但後者急起直追，完場前兩分鐘，雙方打成53分平手，最後憑吳業坤射入一球2分波，成功令VR1以55比53分，擊敗女子隊，在這場友誼賽中奪冠。

情場失意，球場得意的坤哥，澄清與女子組合Super Girls成員Aka（趙慧珊）感情未能開花結果的報道，他說：「我想講其實係我自卑，怕自己窮，先唔敢發展，大家唔好誤會，Aka係好女仔，為人都好慳家，唔崇尚物質，唔係港女，唔好誤會佢。（收到壓力，要講番段澄清？）唔係，係我內疚，想講自己窮，但又表達得唔好，怕引起誤會。」

坤哥之前曾表示對歌手吳若希有好感，他說：「我有叫佢嚟睇波，但佢生日月，忙啲囉！（送乜禮物？）未買，我知佢嚟近會做慈善節目，或者到時我捐523元，慶祝佢5月23日生日快樂！」