許志安七哥離世：投入工作減低情緒波動

歌手許志安現身慈善電視節目獻唱，提到家人去世，安仔說：「心情OK，哥哥走咗兩個星期，自己都正面去睇，心情一定係麻麻，但係路都要行落去，身後事嘅嘢交咗畀屋企人搞，今次走咗嘅係七哥。（好突然？）都唔係，個心度都預咗，惟有做嘢投入啲去減低情緒波動。（影響工作？）之前都有啲錄音取消咗，依家慢慢投入番工作。（屋企人心情？）一定唔好喇，但係都叫屋企人唔好擔心。」