吳千語百分百信任林峯

藝人吳千語穿上黑色露背裝出席啤酒活動，顯得非常消瘦。她坦言：「我背脊比較冇肉，全身都冇肉。細個好難買衫，就係因為個身太薄。（怕唔怕畀人誤會你厭食？）細個成日畀人話，不過同我食過嘢嘅人就知，其實我好大食，好鍾意食，對食有要求。我大食過佢（男友林峯），食得多過佢。（酒量點？）我酒量麻麻，我鍾意飲，好似應酬咁，不過一定唔會飲醉，喺我醉之前就會消失。」她又自爆曾因醉酒，而打不開自己手提電話的密碼鎖，結果電話被鎖死，裏面所有資料都被刪除。

另外，問她有否留意李心潔老公彭順與o靚模偷食的報道？她坦言有看報道，但卻不認識當時人。提到林峯時常到大陸工作，二人時常分隔兩地，問她有何方法維繫？她坦言：「我覺得冇可能兩個人成日黐埋一齊，最緊要互相信任。好似我之前都畀人寫我同第二個人一齊，不過其實係佢（林峯）朋友。（對佢百分百信任？）係。（佢有冇Check你電話？）冇，雖然佢有用我電話打機，不過佢冇Check，大家都識大家嘅朋友。」