鄭嘉穎中「頭獎」自嘲唔係走靚仔路線

鄭嘉穎到將軍澳電視城為無綫劇集《天眼》開廠拜神，嘉穎眉角貼上膠布，原來昨晚收工時撞中「頭獎」，他笑說：「收工推門撞咗埋門框到，自己都解釋唔到點解會咁？當時連流血都唔知，啲人見話你流緊血喎，之後就去咗醫院，好彩傷口唔深，唔使縫針。」問嘉穎受傷是否因拍劇太疲倦所致﹖他說：「唔係，公司已經好鍚住我。」

問嘉穎可擔心破相？他笑說：「我唔係行靚仔路線嘅，之前破晒啦，打波試過縫五針，拍電視劇《葉問》時眼尾又縫10針，今次傷口最衰唔係打橫，唔係咪當縐紋囉。」嘉穎指現表示估計要休息兩三日待傷口埋口才可開工，他說：「傷口好少事，但位置太當眼遮唔到，要等佢埋晒口化到妝先可以開工。」