張智霖端午節半裸曬太陽

端午節假期眾星各有應節方式，張智霖（Chilam）就趁住呢幾日陽光燦爛去咗曬太陽！Chilam曬太陽都不忘影相，仲要半裸上陣添！不過，當然無咁益街坊啦，Chilam張相其實只係影到佢個靚仔樣加少少膀頭架咋！

Chilam喺微博留言話：「晒（曬）太陽算唔算演唱會準備功夫之一，祝大家端午節快樂！」當然算啦！曬得一身古銅色肌膚，就可以喺演唱會度騷一騷啦！話時話，雖然影唔晒個身，不過呢張相都可以見到Chilam身形Fit爆，因為胸肌同手臂肌肉都好飽滿呀。