鍾嘉欣自認購物狂　試過要臨時提高信用額？

鍾嘉欣出席活動時，被問到可會像購物狂般瘋狂購物時，她直認不諱說：「我好鍾意，初初入行唔識，都要人幫我Styling，依家愈來愈鍾意（購物），可以有自己idea同經驗，我好知道購物狂嘅表情係點嘅，如果要演購物狂我會好興奮。（鍾意買名牌定平嘢都得？）我覺得最緊要適合自己，但名牌嘅quality好啲，係art work嚟，Styling同愛情一樣，係一世嘅學問。」

談到最瘋狂的一次Shopping，嘉欣BB說：「我試過入到一間舖裏面咩都有，有衫、鞋同袋，我喺入面狂笑咗兩個鐘，好開心，好似啲卡通人物喺商場度跳舞咁，間舖頭係喺外國嘅。都有試過買嘢買到要打去信用卡中心提高個信用額，尤其喺外國，有啲款係獨一無二嘅，買到好開心。」