寫真戰：劉俐蕊蕊大解放爭做銷量女王

寫真戰一如以往響起暴「乳」警告，各路有料之人準備在寫真擂台大晒「胸」器，但多位熟悉「胸」模今年齊齊轉型唔玩，兩位「味之天使」蕊蕊和劉俐遂挾住豐滿雙峰成為今年焦點。

「柑桔」蕊蕊與「藍莓」劉俐兩位好姊妹於2009年以「天使」身份推出團體寫真集，今年推出個人處女寫真集，為求做寫真女王，各自出招大解放吸引宅男。

蕊蕊踩劉俐太瘦

34E的蕊蕊去年被金剛「私有化」，令不少宅男滿地「葡萄」（酸溜溜），但今年暑假蕊蕊賣大包，於寫真中以內衣、泳衣上陣，甚至半裸出擊發射E Cup導彈，穿上性感比堅尼的她在泳池取景，不經意把雙峰壓在池邊，極之惹火，當換上內衣躺在梳化上時，堅挺雙峰更直逼頸部，相當逼爆！

蕊蕊於電話中坦言今次寫真尺度是其極限，坦言明年未必再玩，自言保守的她拍攝半裸照時要需長時間Warm Up，提到與好姊妹劉俐對撼，她竟乘機踩對方太瘦︰「我對身材有信心，E Cup唔誇張，反而佢太瘦，不過都會支持佢本寫真。」蕊蕊透露男友金剛絕無詐型，並說︰「佢仲有參與，但模式遲啲先講得。」問有否信心成為今年寫真女王？她說︰「唔敢講，有信心成績會幾好。（叫金剛包你幾多本寫真？）又唔會，數字唔重要。」

劉俐反擊身材均勻

至於劉俐亦不甘示弱，增磅豐胸後以34C上圍狙擊蕊蕊，並到布吉取景，她穿上比堅尼在沙灘騷長腿及深長事業線，雖然尺度不及蕊蕊，但靠靚景搭夠。

對於被踩太瘦，劉俐在電話中反擊︰「蕊蕊係豐滿，但唔係大就得！我係高挑，呢啲叫均勻，而且大家路線唔同。」她自言已24歲，想以寫真留倩影，又表示早前因工作和家庭壓力而抑鬱，現已好轉，故想以開心為題推出寫真︰「之前抑鬱瘦得可憐，所以要狂食增肥，最後升番上C Cup先拍攝。」