楊冪誕女：劉愷威離開幾步都掛住個女

劉愷威接太太楊冪母女出院，兩夫婦同着藍色情侶裝，十分搶眼，待楊冪母女安全離開之後，劉愷威接受媒體訪問，大談做爸爸嘅心情，劉愷威表示：「好開心，離開幾步，都會好掛住，（見到BB第一眼時，有無喊呀？）真係好開心，都唔記得自己幾時喊，心情難以形容，而家先有少少習慣做爹吔。（BB女似邊個？）集爸爸、媽咪、爺爺、嫲嫲於一身！」做咗爸爸，問愷威學識餵奶、換片未？劉愷威笑言：「係呀，都要趕番去換片，（有無雞手鴨腳？）OK，仲學習緊，（改咗名未？）未呀，（搵相士改？）唔會，搵爹哋改。」