姜麗文與安志杰食飯玩狗　反擊鄭俊弘會新歡

鄭俊弘（Fred）與姜麗文（Lesley）傳緋聞多年，女方一直想將男友私有化及公開女友身份，可惜身為無綫親生仔的Fred為免影響事業，不願提及感情事，因而令女友極度失望，最近四出搵朋友訴苦。據悉，兩人感情已亮紅燈，處於冷戰階段，雙方連日來沒有見面及聯絡，原來私下已各自「有伴」！

遭男友冷落的Lesley前日在微博「示威」，先上載與安志杰撐枱腳的照片，一小時後再發功，上載抱着安志杰與前女友謝婷婷飼養愛犬Charlie的玩狗相，明顯飯後到了男方家中「短聚」！有網民看到照片後留言：「她（Lesley）在他（安志杰）家！」及「不會和Andy戀愛吧！」

姜文杰：叫佢小心啲

至於經常有女埋身的Fred，前晚相約「巨聲女」王嘉儀食飯，兩人在大坑覓食時邊行邊傾，男方指手畫腳，身穿背心緊身裙的王嘉儀則不時掩嘴笑，又不顧儀態地當街抽裙。偷會「新女」的Fred警覺性極高，不時轉頭張望，兩人發現記者後火速走入港鐵避風頭！

Fred昨日出席活動，問是否與新女去街？有備而來的他說：「普通朋友食飯啫！」他又自爆即時新聞出街後，立即致電王嘉儀：「驚佢唔開心，不過佢都識笑。（點解唔送佢返屋企？）送唔到，我要開早。」對於「女友」到訪安志杰寓所，他說：「事前唔知。」

此外，Lesley的哥哥姜文杰昨日代妹出頭，向「哎呀妹夫」說：「叫佢小心啲，何解畀人擺上枱。」並承認已有數個月沒見對方。