鍾嘉欣Keep Fit在太空機上

鍾嘉欣身材Fit爆，她的Keep fit良方就是跑步和舉重，她說：「我鍾意跑太空機，同埋要喺無冷氣之下跑，跑45分鐘，一星期跑5-6次，不過拍劇時就可能一星期只跑到1次，舉重就舉5磅既。（食嘢方面呢？）食嘢我想節制下，我好為食，我以前一直覺得自己好幸運，個天賜咗個瘦嘅身體畀我，我可以食極都唔肥，於是我就暴食。但係呢兩年開始我肥咗，我要戒食宵夜，已經慢慢戒緊，之前我宵夜係食濕炒牛河、糉同粥，係一大餐咁食，我肚餓就會瞓唔到覺。依家我只係食2塊朱古力餅做宵夜。」