糖妹酒量差兩支啤酒到頂

糖妹、若琪和樂隊3Think出席啤酒嘉年華，糖妹5月時為五月天擔任個唱暖場嘉賓，她笑言：「做完真係多咗人邀約，終於記起糖妹係唱歌嘅。」她又稱喜歡做戶外live show，而且享受一大班朋友飲酒，不過自己酒量麻麻：「啤酒飲兩支就會坐咗喺到，成個人呆咗，天然呆。所以上台之前唔可以飲，如果唔係成個人企咗喺台到唔知點算。」

她又稱會約朋友睇世界盃：「要搵人陪吓，我單身嘛！我睇靚仔球星，我知奧雲係邊個，不過邊隊打邊隊就唔知喇。(捧邊隊？)隊隊都捧，邊隊fans多就埋堆。」