馬德鐘教阿仔性知識盡老竇責任

藝人馬德鐘（Joe）到大埔接受電台訪問，提到父親節將至，Joe表示當日是其爸爸舊曆生日，因此會舉家食飯慶祝，意義重大。問到希望兒子送甚麼禮物？他笑說：「冇期望。（往績唔好？）就係太好，因為學校會叫佢整啲嘢，但佢呢排好忙。」他透露兒子16歲，忙於學業及運動員訓練，未覺對方有拍拖，並說：「我由佢12歲開始問o架喇，但佢一直話冇（拍拖），咁佢又真係冇時間，返到屋企都係上網，唔覺佢有。」問到會否跟兒子分享「安全知識」（性知識）？Joe認為這是作為父親的責任，但兒子就讀國際學校，相信會學到更多相關知識。

提到工作，Joe表示最近經常往返內地登台接騷，九月會再跟TVB合作拍劇，而之前拍下的《飛虎2》將於秋天面世。

對於早前爆出婚外情的導演彭順今日返港，Joe即變得慎言，他表示跟對方合作過一次，但作為局外人不便評論：「都係聽返嚟，我唔知件事詳細係點。（你嘅夫妻相處之道？）多啲傾偈，多啲溝通，但人哋嘅嘢留番當事人回應，希望件事快啲平息。」