張慧儀唔啱行性感　接戲要有內涵

藝人張慧儀（Angie）現身會展出席晚宴，同場更有關寶慧、范振鋒、梁小冰、寶珮如、袁潔儀、施綺蓮、鄭明明、楊玉梅、河國榮等藝人。

經營食品生意的Angie笑言今晚為了解市場而參加，希望對生意有幫助。自從主演的《女人俱樂部》播出後，Angie坦言演出為她帶來商機：「《M Club》播出之後的確多咗獲邀請出席商界活動，亦都帶咗唔少商機，做開食品生意，都想做吓其他範疇。（扮靚生意自己做生招牌？）都好，列入考慮先！（會唔會同人合資？）要睇吓類型同規模大小。（唔拍劇？）兩邊兼顧，經歷多咗對拍劇有幫助。（傾緊？）同TVB、電影都有傾緊，但唔公布得住！（行性感？）太轟動嗰啲就唔啱我，亦唔考慮，希望可以演啲有內涵嘅角色！」