北京畀記者圍　彭順無奈任影

重新投入工作的彭順，今早與電影公司老闆林小明、林小強等邊食邊傾工作，一餐早餐食足兩小時始步出，林小明友善地問記者：「食咗飯未呀？」至於林小強則笑說：「如果彭導以後開戲你哋跟到咁足就好啦！」然後一行人直接返酒店，抵步時彭順停定腳步讓記者拍照，由於記者眾多，吸引不少途人眼望望，彭順說：「你哋咁影法，唔知以為我係邊個添！」