岑麗香負傷返港　唔會放棄做打女

藝員岑麗香剛由馬來西亞拍攝電影《辣警霸王花》回港，隨即在將軍澳電視為新劇《華麗轉身》試造型，香香拍攝《辣警霸王花》時搞到周身傷，手踭擦損、美腿亦有瘀痕，最嚴重日前拍攝時不慎跣腳，膝蓋撞石要送院檢查，她說：「膝頭冇事，只係啲手腳擦傷，拍攝得好開心，大家好齊心，啲景都好靚。」

周身傷的岑麗香被問到日後會否繼續拍打戲？她說：「梗係拍，不過，等公司安排。開頭拍動作戲都有啲生硬，一路拍一路練已經好咗好多，自己都唔想用替身盡量親身上陣，拍動作戲又可以Keep fit，啲人都讚我瘦咗。」剛做完打女粗魯角色，回港後接着開劇《華麗轉身》卻是斯文角色，香香笑謂轉變得太快令她精神分裂。