胡定欣否認整容：個鼻係爸爸遺傳

無綫藝員胡定欣乘劇集《點金勝手》之勢出席髮型屋剪綵，定欣好坦白咁話今次係「卓太效應」，喺劇集入面，佢同黃宗澤係飾演夫妻，定欣話佢地嘅角色都「奸奸地」，但都有咁多人鐘意，覺得好開心。

問到日前有指定欣個鼻「微調」嘅傳聞，佢就話佢人生最滿意就係個鼻：「我個鼻係爸爸嘅，對眼就係媽咪嘅！」大讚自己深得父母遺傳。被問到會唔會接受整容嘅時候，佢話：「整唔走嗰啲就接受唔到。」仲話依家好了解自己個樣，靠化妝就可以藏頭露「美」咁話！

提到黃宗澤日前叫定欣露「股溝」吸收視，定欣就笑住咁講：「叫佢露先啦！佢嗰個都唔係第一次見人啦！」