女神永遠係女神　郭富城再公開讚苟芸慧好靚

天王郭富城出席活動，他透露近日擔任大陸舞蹈節目的導師，對於曾被評國語不好，他大方地說：「慢慢進步緊架喇，我會虛心學習。」談到世界盃開鑼，他興奮地說：「捱眼瞓都要睇，我自己有好多球星都鍾意，例如C朗拿度啦，同埋我自己都好喜歡足球，之前因為腳傷停咗一年冇踢波。（捧邊隊？）今年我自己爆冷睇好法國。」

問到緋聞女友苟芸慧遠赴巴西做世界盃節目，他醒目說：「我睇報道知。（佢話見到好多巴西郭富城？）阿叻（陳百祥）講笑，大家又敏感咗！（佢讚你靚仔？）多謝，有人讚梗係開心。（咁佢靚唔靚女？）梗係靚女啦！」城城又認為電視台不應收費播放世界盃，因為市民有權利免費欣賞世界賽事。此外，對於好友彭順偷食一事，問到可與對方有聯絡？他說：「畀啲時間佢處理啦，佢自己都認咗錯，希望佢可以過渡到。」