陳敏之想挑戰反串角色

陳敏之近年經常演警員角色，於新劇《點金勝手》中亦一樣，雖然工作時硬朗，但亦有溫柔一面，敏之表示現實中的她對男友都很溫柔，亦很尊重對方，很多事由對方作主，絕對是「貼心女友」，她謂:「好溫柔，平時同男友相處時好坦率，亦都好尊重佢，大部分啲嘢我都會畀佢決定，況且我係一個好唔鍾意諗嘢嘅人，最好笑係雖然我哋拍咗咁多年拖，但有時大家待大家都好客氣，唔知以為我哋唔係好熟。」

敏之又指於劇中的角色有很大轉變，最初是正派，後來經歷很多悲慘遭遇，性格變了另一個人般，為達到目的更不惜出賣自己肉體 ，她謂:「呢個角色發揮好多，好似一套劇入面分析兩角咁，（想唔想挑戰多啲唔同角色？）想，就算一啲要醜化又或者唔靚嘅角色都唔緊要，就算要我做收銀、師奶、派報紙都唔緊要，反串角色我都好期待做。」身為基督徒的敏之又計劃年尾會推出福音碟，一圓自己心願，現時正在揀歌，之後便會錄音，她透露:「會以抒情為主，我依家都成日行山、踩單車做運動練氣。」