徐子珊與胡鴻鈞對唱　久疏戰陣感壓力

藝人徐子珊（Kate）與「巨聲幫」的胡鴻鈞（Hubert）近日為新劇《點金勝手》合唱插曲《棋逢敵手》，很久沒有出新歌的Kate表示很大壓力：「好耐冇唱歌，Hubert巨聲出身唱歌咁好，好彩係分開錄音，唔會拖累佢，但我自己就錄咗成4個鐘。」

至於Hubert就表示對着女神Kate拍MV很緊張：「拍攝個日先係第一次見，我自己好慢熱，所以完全唔敢正視前輩級嘅Kate。」不過拍MV時，有一幕是Hubert坐在Kate旁邊彈鋼琴，拍完後Kate大讚Hubert，原來她對識音樂的男生特別鍾情：「我對吹色士風嘅男生仲情有獨鍾，白馬王子一定要識！」