古天樂全男班拍戲冇緋聞

20140613
東網電視
更多新聞短片
古天樂笑言全男班拍戲就算傾密偈都唔怕傳緋聞。

古天樂、張晉、吳京、任達華及泰國動作演員Tony Jaa出席新片《殺破狼II》記者會,監製黃柏高、葉偉信、導演鄭保瑞、太陽娛樂集團高層周焯華及唐才智向嘉賓頒授電影紀念Tee。現場有約二十名保安人員負責維持秩序。

飾演大反派的古天樂說:「我係最壞嗰個,傷天害理,有打人,亦有畀人打,見Tony Jaa佢哋由朝打到晚,佢哋嗰種打法,我完全參與唔到。試過拍到自己扑到自己,又被車壓到心口,不過個鏡頭都一Take OK。(今集冇甄子丹覺會可惜?)新嘗試,有唔同風味,(全男班演員唔驚傳緋聞?)喺片場我真係見唔到女仔,茶水阿姐例外。」

問是否會接拍彭順被傳向李心潔箍煲之作《逃出生天》續集,他說:「我都係睇報紙先知,未有咁快住。(相信係彭順箍煲之作?)唔清楚,唔方便評論,希望可以原班人馬演出。」另外,問可有見過前緋聞女友陳喬恩的吸煙照?古仔說:「冇。」