郭晉安爆與歐倩怡通街搵Bar睇波

藝人郭晉安現身將軍澳電視城。問有否觀看凌晨的世界盃頭場賽事巴西對克羅地亞？他大呻：「冇時間，驚睇咗一場忍唔住睇埋下場，我惟有今朝起身同個仔一齊睇重播，教佢國家名。不過仔仔鍾意睇網球多啲，因為佢抗拒太多人嘅運動。」問必睇那一場賽事？安仔就算捱夜都要睇英格蘭：「凌晨六點都會靜雞雞起身睇，嗰時如果凌晨收工就時間啱啱好！」他又大爆以前與老婆歐倩怡睇波睇到好瘋狂：「我同佢拍拖時睇到好癲！成日周街搵酒吧睇波，不過依家唔會喇，喺屋企睇當重溫（拍拖時光）！」

問歐倩怡會否為新劇《老表，你好Hea!》客串？安仔好肯定地說：「只係佢個名會出現，人就應該唔會客串！套劇太多人物，（拍完放暑假？）去熱帶地方旅行！」並Sweet到爆表示仔仔為他親手識了手繩，見繩如見仔！」