張慧儀爆囝囝係粉絲

張慧儀一身黑色喱士裙出席香港電台《獅子山下2014》的懸疑推理片首映會，盡顯媚態。接受訪問時，她表示在劇中飾演艾威老婆，從電腦發現老公的另一面。問到拍拖時會否檢查男友電話？慧儀笑言：「正常就唔會嘅！但唔100%唔睇，偶然睇吓啦！（有冇發現到啲咩？）我仲係單身o架！」

其後，慧儀透露最近都有同其他單位傾緊拍劇，不過都係做分享比較多：「好開心傳媒朋友寫我嘅嘢都好正面，有時會做吓社署嘅分享會，分享吓自己嘅心路歷程同囝囝嘅嘢。亦盡量會安排星期六日與囝囝過。」問到囝囝會否因慧儀要拍劇少時間見面而唔開心？慧儀話：「唔會，佢都應該幾鍾意睇我做戲！」又話自己依家係自由身，如果有角色啱自己都會再為無綫拍劇。