風騷翹同性密友　胡杏兒爆攣情

胡杏兒與拍拖8年的黃宗澤分手後，去年被《好報》拍得與同性友人當街攬啜，但她事後否認同性戀。Dry了兩年的杏兒，最近出席活動頻頻暗示自己有「新歡」，不過記者觀察多時，杏兒身邊一直未有異性埋身。

攬女有前科的杏兒，近日身邊多了一位中性打的同性友人，大前日下午3時，杏兒與該同性友人一同離開大埔道的寓所，乘七人車前往灣仔，落車後，兩人步往附近的國貨公司會合其經理人。穿上露腰裝套裝短裙的杏兒，明顯悉心打扮過，兩人在過馬路時，杏兒不其然翹住對方的手臂，亦發現兩人戴上情侶戒指及用同款手機殼，態度親密。約20分鐘後，三人一同離開國貨公司，杏兒與經理人邊行邊傾，而同性友人則緊隨其身，經理人送杏兒上車後自行離去。杏兒與同性友人再乘車到附近銀行辦理手續，逗留約一小時後離開，同性友人再陪杏兒到金鐘處理私務。

指同性友人係新助手

另外，昨日下午5時，杏兒獨自乘七人車往中環樓上舖修甲，雖然當日沒有同性友人，但心情極靚的她見到記者即笑笑口揮手打招呼。記者上前問她最近身邊是否多了一位同性密友？杏兒聞言反應極大說：「吓！嗰個係我新助手嚟o架！（見你戴情侶戒及情侶手機殼？）唔係嘛！有冇認錯呀？助手嚟架？（飾物及手機殼是否你所送？）梗係唔係啦！」說畢，杏兒乘七人車到尖沙咀，她向記者透露約了舊同學食飯，未幾見一長髮女子登上杏兒的座駕，然後直駛往西九龍一個商場開餐。