戒酒兩個月 馬浚偉:飲奶昔一樣好High

20140615
東網電視
更多新聞短片
馬浚偉自爆已戒酒兩個月。

藝人馬浚偉在美孚出席父親節巴士活動。訪問馬浚偉時他就自爆已戒酒兩個月,雖然不是酗酒,但練得一身好酒量,結果愈飲愈多:「但我發覺再係咁落去好危險,隨時冇命,自己血壓都唔係好正常。」所以朋友聚會時都飲奶昔:「唔飲酒都一樣可以好High!」同時他又表示愛惜身體都是孝順父母。不過早前就撞崩牙的馬浚偉就話自己換了個永久牙套:「大佬!成皮嘢一隻呀!我整番兩隻牙兩萬蚊呀!」

問今日父親節怎樣慶祝?他就指已經包了一間大房和家人食江南菜:「都準備咗唔同禮物。」問送甚麼?他就指會送與老豆以前揸的巴士線有關的禮物盒和自己的唱片:「另外就大利是。」等他可以想買東西又得儲起又得,不過最希望他可以生活無憂。問會否帶緋聞女友Vivian去食晚飯?他就說:「唔講啦,一切隨緣。」

馬浚偉的新碟在12號已經推出,他就指好多CD舖現已售罄,而巴士公司都買了200隻送給乘客。雖然已經上網買了專輯,但昨日馬浚偉都有去CD舖視察環境,更見到有人在他的海報前駐足,非常感動。而明天亦會公開和陳法拉合作拍攝的新歌《我要結婚了》MV。問有否親密場面?他就叫記者放心:「好親密!我覺得個MV真係好靚!」