黃秋生撐同志：人哋有自由！

藝人黃秋生出席同志活動，問到他是否支持「大愛同盟」的理念？他語帶相關向歧視同志的人說：「人哋嘅事關你咩事？正如女人鍾意着裙定着褲又關你事？唔通着得短你又話佢色情？」

提到有指香港一旦立法批准同性婚姻會教壞細路，秋生就話：「人哋結婚關你咩事？唔通你去結婚，個和尚會話你搞壞佢個宗教咩？我又唔係介紹男人畀你老竇，介紹女人畀你阿媽，人哋有自由O架，做乜咁落後？」他又表示支持立法保障小眾，又講笑話自己獲大把仔「追」！