網民痛斥「淫娃蕩婦」　陳敏之豁達當笑話看

「索腿天后」陳敏之出席電影慈善首映，提到被指搭上有婦之夫監製文偉鴻，更遭網友痛斥責「淫娃蕩婦」，她指男友未有過問此事，只當笑話一則：「件事都過去咗，同埋太無稽，所以佢淨係識得笑。（覺得委屈？）當然委屈啦，但真係係假嘅，就唔好擺咁重呎喺個心，冇乜所謂啦，做娛樂圈就當娛樂囉，有時都避免唔到網上嘅言論，有言論自由，我自己都當笑話，太假喇。」

問到是否得罪人而被抹黑？敏之說：「真係唔知，網上世界好大，任何人都可以發言，但又覺得唔需要搵佢出嚟，因為最緊要佢哋嘅目的達到咗，我承受咗就算啦，大家當娛樂新聞一則，嬲嚟只會傷身，留返啖氣，踩單車、行下山仲有益身心啦。」她又指文監製與家人感情未受影響，又稱無須向其老婆解釋：「梗係唔使（解釋），佢都識我男友，唔需要交代，因為假嘅，我哋笑監製依家好紅，佢帶挈我上封面。（避免合作？）當然唔會，我同好多監製好Friend，可能我下次同第二個監製合作，佢哋都會咁做，所以使乜理，做好自己咪得囉。」