岑麗香拍打戲被髮夾插傷頭

藝人岑麗香於荃灣出席世界盃活動，忙於拍攝新戲的她赴馬來西亞拍戲三個月，變瘦之餘更曬黑不少，在新戲中飾演接受訓練中的女警，笑謂功夫進步不少。

被問到有否因拍戲而受傷？她說：「唔多唔少都有，最近就比個髮夾整傷，拍打戲個時跌落地，比個髮夾插入個頭度，有流血，咁樣輸比個髮夾好唔抵！」又表示電影即將煞科。

有報道指香香與戲中的女主角們不和而被杯葛，她說：「咩係杯葛？（唔同你玩？）我哋玩得好開心喎！拍戲嗰時日日見，返香港都想約食飯！（錢國偉特別照顧你？）無呢件事，無話特別照顧邊個！（你擔正女主角？）其實個個戲份都差唔多！」至於與那一位演員最熟絡，她表示是同樣曾生活在加拿大的欣宜與同屬TVB的何佩珉 。