無綫世盃大鬥法　余詠珊火拼曾勵珍

世界盃令全球迷陷入瘋狂狀態，無綫一搔16年之癢，今屆重奪失落多年的世界盃香港獨家播映權，就如巴西要奪冠一樣，不成功便成仁。最新一期《好報》披露無綫重金擲4億播世盃，原來背後隱藏兩大高層余詠珊和曾勵珍角力戰！

去年無綫斥巨資4億元擊敗有線重奪這隻「金蛋」。無綫最高管理層深知不容有失，欽點搞開大型節目的非戲劇科總監余詠珊領頭掛帥，可是負責劇集的戲劇科總監曾勵珍亦絕非省油燈，據悉，珍姐為免失勢，暗中出招與珊姐角力，林峯、陳豪、鄭嘉穎、佘詩曼、胡杏兒和徐子珊等一線小生花旦，頓成兩大阿姐角力的棋子。

去年5月，無綫宣布奪得巴西世盃播映權，據知珊姐奉命徵召全台藝人拍宣傳片造勢，因是最高指令，珍姐不得不放旗下小生花旦撐場，無綫當日更破例停廠，搞好世盃節目成為全台首要任務，一切以此為大前提，身為旗手的珊姐氣勢一時無兩。

「左麟右李」唱主題曲

人人都知黃翠如與洪永城都是珊姐頭號愛將，二人當初加盟無綫都由她扯頭纜，為了造勢，珊姐更派出「城如」這對最佳拍檔遠赴南美洲和歐洲等足球強國拍攝旅遊資訊節目《走過足球聖地》，叫好又叫座，再邀得「左麟右李」譚詠倫麟和李克勤監製無綫世盃主題曲《We Are The Only One》，上月拍MV時，林峯、佘詩曼、鍾嘉欣、陳豪、胡杏兒、馬國明及陳敏之等當紅藝人都有份獻Sing，實行全台總動員進擊世界盃。

萬事俱備，只等開波！據知珊姐原意在上周四（12日）的世盃開幕禮特備節目中，召集全部小生花旦撐場，惟當晚全部一線藝人如阿佘、陳豪、杏兒等悉數冇影，連珊姐愛將洪永城和翠如BB也沒有現身錄影廠，據知全因珍姐出手狙擊。

珍姐紅褲仔出身

珍姐加入無綫快40年，由助理編導做起，如今位極人臣，掌管戲劇科，手執旗下藝人上位寒暑表，眼見珊姐氣勢如虹，珍姐終於出招唔放人，令珊姐迫不得已改變戰術拆彈，打十上十落「全能足球」。既然一線藝人冇影，珊姐在開幕禮節目派遣被譽為近年港姐最高質素的冠亞軍陳凱琳和蔡思貝打雙箭頭，自己人易話為（港姐屬綜藝科），實行以靚女掛帥，又打友情牌搵譚詠麟和李克勤在節目亮相穩住中場，更變陣打破一廠不准飲食的傳統，搞自助餐任食，營造森巴嘉年華氣氛，最終成功過關。

儘管珊姐派陳凱琳和蔡思貝「雙鋒」出擊，但二人都是驚鴻一瞥，過鏡就算，不少網友都在鍵盤表心迹，認為唔夠喉，據知其實陳凱琳和蔡思貝當晚皆有劇在身，只是珊姐強勢要人，她們惟有聽命助珊姐一把，足見珊姐與珍姐的角力已趨白熱化，真係好睇過劇集。