草蜢無悔加入滾石

草蜢在電台訪問中細訴入行29年的高低起伏。95年草蜢離開寶麗金轉投滾石尋求突破和轉換環境，在三年期約草蜢只做過一張廣東碟和國語碟，他們表示因台灣跟香港的唱片公司運作不同，程序較繁複，歌手與公司之間需要時間磨合，所以需花較多時間出唱片。

主持問到會否認為滾石唱片「害死」了草蜢？三子異口同聲矢口否認，蔡一傑說：「我哋都認為係個值得嘅經驗，當時整個市場係度轉變，我哋需要時間思考方向，睇清咗形勢先出擊，唔會胡亂推出一啲低質素嘅唱片，公司好着緊我哋喺市場上嘅定位。」

草蜢不認同那是音樂路上最失意的時期，他們多年來一直保持很好的唱片銷量紀錄，並直言沒有後悔過加入滾石唱片，蔡一智說：「唔可以話有冇後悔，因為行咗嘅路就係行咗，正如青春期必定會生青春痘一樣，樂壇上總有高低起跌，我哋做事從不會後悔，只會回顧過程並吸收經驗。」