無綫空降秋生湯鎮業頂替　鄧萃雯寸爆：年紀呀？

女藝人鄧萃雯到馬鞍山為一所社企超級市場擔任義工，幫手收銀、搬貨及送禮物予街坊，大受現場市民歡迎，問到是否第一次做收銀？她說：「都唔係，入TVB之前幫過爸爸餐廳，好驚收錯錢，今日仲驚，而且仲要做埋搬貨、抬貨，個個職員都係一腳踢，洗廁所都做埋，好在我到嘅時候，員工話已經洗咗。」

雯女大讚社企概念，認為可為市民提供較便宜的選擇，不用只去大型連鎖超市：「依家物價太高喇！我助手同工人好快就話使晒一千蚊，我覺得呢度好好，員工都係請啲低收入家庭、冇咩工作經驗嘅。（入股？）人哋唔使，好多老闆，我能力係幫手宣傳。（自己搞社企生意？）我做生意好渣，我會阻住人，令人執笠，我歡迎社企團體搵我做宣傳。」

提到近況，她表示最近忙於睇劇本，稍後或會到內地工作，對於TVB找來黃秋生及湯鎮業夥拍黎耀祥拍攝劇集《梟雄》，有傳是頂替她？雯女即笑說：「年紀呀？吓？我係後輩咋！（頂替你拍祥仔？）傻啦！我只係小演員。（會再拍TVB？）暫時唔會住，等秋生試吓先。」問到是否覺得TVB欠花旦，她表示不作回應。提到舊愛鄭敬基傳與DJ瑪姬發展「父女戀」，雯女亦說：「今日講社企，唔講其他人。」