岑麗香出「煮」意氹汪阿姐

藝人岑麗香（香香）今日在無綫電視城拍攝新劇《華麗轉身》。問已開工一個星期的她會否辛苦？她就指不辛苦：「暫時都有時間做吓運動，同埋自己煲湯、煮番啲好嘢食調理吓身體，所以都OK嘅。」問是否因早前拍電影《辣警霸王花》太辛苦所以要調理身子？她就表示拍戲用好多體力，而大多數女仔都不懂功夫，雖然自己都有練過少少，但為令效果更好而份外落力。而香香更自爆別人說她瘦了：「但磅數就冇見到分別，可能係多咗少少肌肉，少咗一啲fat。」又話想保持住這個身形。

問在《華麗轉身》與阿姐汪明荃合作的香香有否請阿姐教路煲湯？她就指應該要：「佢都好好呀！帶咗啲佢代言嘅產品嚟送畀我哋。（有冇煲湯？）有呀，我哋有時一齊放飯嘅時候去canteen，佢都有帶私伙靚湯，我哋都好開心。（咩湯？）鬼妹仔梗係唔記得啦，有就飲啦！」她又表示今次是第二次和阿姐合作並做她的女兒，而且和劉松仁有對手戲，所以「袋多好多錢落袋」。記者提議香香整小食孝敬阿姐，她就笑說：「咁又係呀，我都要番去練吓廚藝，搵方法回報佢！」