佘詩曼自爆投資食肆損手：成日唔收錢

佘詩曼到曾志偉火鍋店撐場，透露以往也有投資開設食肆，可惜損手收場：「朋友嚟，我就簽單請食飯，成日唔收錢，都係做番老本行拍戲好過！」剛完成無綫新劇拍攝的她，直指現時忙追睇世界盃，並熱捧荷蘭。

兩年後先諗拍拖

談到無綫鬧小生花旦荒，新劇靠外援如黃秋生及湯鎮業等孭飛，阿佘幫口謂：「仲有好多有份量嘅演員，以前都係咁（有外援），我都拍過張智霖啦。（仲想拍邊個？）冇所謂，我比較睇重劇本。」談到感情生活，阿佘透露依然單身：「如果有一定話畀大家聽，我簽咗2年部頭約，都係做好佢先再諗。」