李克勤呻世界盃愈睇愈驚

今屆世界盃有好多場比賽嘅賽果都令人大跌眼鏡，本身打算去巴西感受決賽氣氛嘅李克勤更忍唔住喺微博大呻：「世界盃由13號睇到今日，越（愈）睇越（愈）驚，一早和家人訂好機票酒店還要飛廿幾三十個鐘去巴西睇決賽，如果決賽隊伍是哥倫比亞、哥斯達黎加甚至美國、墨西哥、智利，咪玩啦！」可惜克勤已經洗濕咗個頭，冇理由畀咗錢唔去架嘛，所以網友唯有安慰佢，叫佢當係感受下氣氛啦！