楊冪自爆生B前唔緊張：去醫院前還在網購

早前誕下愛女小糯米的女星楊冪雖然正忙於照顧囡囡，但仍抽空接受大陸傳媒訪問，大爆自己入院生BB前的心情。初為人母的楊冪笑言自己生小糯米前一啲都唔緊張：「不緊張，去醫院前還在網購呢！」雖然聽落好似好平靜，但其實楊冪喺小糯米出世後心情好激動，仲同老公劉愷威一齊流眼淚！

為囡囡停工

一向工作忙碌的楊冪雖然最近有新戲上映，但係佢為咗小糯米都甘願停工，愛女之情溢於言表，佢更稱：「以前能跟主創們一起宣傳，有很多交流機會，現在只能跟大家微信交流了。不過，看著（着）小糯米就會覺得這些都沒關係，現在的每一天都過得很充實很開心。」

復出要睇身體狀況

做咗媽咪嘅楊冪被問到會唔會減少工作，佢自言變得更有責任感：「有了小糯米，我會覺得自己身上的責任更重了，也覺得自己要好好工作，這樣才能給她更好的照顧，但是，孩子是需要陪伴的，所以我肯定會留出時間跟她在一起。 （復出）等到身體恢復得更好些再考慮吧。」