黃宗澤聞舊愛楊崢即閃：仲講呢啲？

無綫小生黃宗澤（Bosco）下午在中環出席無綫劇《點金勝手》宣傳，坦言首次在港為該劇宣傳造勢，很高興頭15集的大陸點擊率已破兩億，對於香港的收視未如理想，他說：「冇辦法，我哋（宣傳）盡量做到乜就做乜啦！大陸成績算好好，好多劇播晒三、四十集都冇一億，希望到大結局整多幾億嚟歎吓，咁就唔錯喇！」問到會否着褲仔谷收視？今日穿黑色短褲加老西的Bosco笑道：「今日都着咗褲仔嚟，我考慮吓着熱褲啦。啱啱都同監製講大陸成績幾好，不如搞內地巡迴宣傳啦！順道屈公司請我哋去旅行，上海、廣州都殺啦！」

屈TVB大陸巡迴宣傳當旅行

提到早前飛往上海宣傳時，因大陸航空管制滯留香港機場，他直言從未試過坐在機內等足七個鐘也未起飛，並笑稱：「瞓醒都重係嗰個View，翌日睇新聞先知有人更慘，等咗10幾個鐘班機取消埋，都未見過有人話落機走人，但我冇落機。（你有鼓譟？）都冇計㗎！惟有坐喺度乖乖等囉，坐喺度七個鐘乜都做晒，本來夜晚11點幾到上海，結果朝早6點幾先到，幾恐怖呀，落機時暈暈哋，nuts都畀我食咗三包，諗住落機都有一場世界盃睇，點知最後嗰場都踢完。」他又指冇delay的張家輝好命又好彩。

提到Bosco早前一直在大陸拍劇，他稱過幾日又要去外地做電影宣傳，問到有否探「前女友」楊崢？他即笑謂：「咁耐喇！仲講呢啲？夠料啦！（返嚟有見？）好忙呀！好忙呀！」說罷剛好活動開始了，Bosco便側側膊借機閃走。