貝安琪買定Wine撐德國

模特兒貝安琪出席活動時，坦言今屆世界盃支持德國隊捧盃，因自己是德國人。問她有否考慮過飛往德國欣賞球賽？她說：「唔會，依家有太多嘢做，不過我有好多朋友喺巴西。因為喺德國足球係一項好熱門嘅運動，會約埋朋友一齊煮嘢食、睇波。（會唔會準備定啲酒邊睇波邊飲？）會買定Wine，不過男仔就鍾意飲啤酒。（會唔會飲醉？）唔會，都唔細啦。第二朝仲要做瑜伽。」

早已考獲瑜伽教練牌的她，坦言近日因工作太忙而減少了教學生。問到會否導致收入少了？她說：「都OK，等我多啲時間嗰陣先教返多啲。」另外，她透露現正洽談電影拍攝，稍後將到德國拍攝德國電影。