李詩韻印尼潛水遇急流死過翻生

藝員李詩韻在黃竹坑某酒店泳池為無綫劇集《寒山潛龍》宣傳，她被眾藝員以水槍圍攻狂射，未落水已經全身濕晒，隨後更被推落水。

面罩都沖甩埋

李詩韻笑謂與同事在新加坡拍了幾個月劇集，故十分熟絡。她坦言被推落水時有點害怕，並自爆早前到印尼科莫多島潛水時，遇急流險象環生，她說：「潛水遇到好勁嘅急流，幾乎冇命，當時個面罩都沖甩咗，我抓住石頭，但係最後都畀急流沖到撞埋石邊，手腳都瘀晒，最後係沖咗埋石邊先能夠脫險。」

談及收視期望，李詩韻指抱平常心，又指自己劇中一人分飾兩角，覺得好有發揮。