李綺雯眼濕濕送別教友：阿天好關心人

無綫藝人李綺雯（o靚妹）穿上黑衫、戴上黑框眼鏡前來拜祭前香港先生王天就（阿天）。她表示在無綫認識阿天，兩人都有出席教會團體「藝人之家」的聚會。

問可知阿天患病？她說：「都知道咗一段時間，近期以為佢病情有好轉，所以好愕然。（最近有冇搵佢？）同佢喺『藝人之家』WhatsApp群組，都會互相鼓勵，以前就成日見，後來就少咗。」她還透露上次見面已經在一年前，知道他仍未結婚。談及和阿天的難忘事，她隨即眼濕濕：「佢成日整嘢食，夜晚聚會嘅時候佢都會早啲返去（藝人之家）買嘢煲湯同炒飯。」又指他願意付出，會關心人，她說：「好唔捨得，佢屋企人都好平靜。」