佘詩曼寄情藝術：有拖拍即刻唔畫畫！

藝人佘詩曼出席時裝騷並擔任頒獎嘉賓，阿佘表示自己向來甚少行騷，但就坦言有興趣嘗試。問到她對設計有沒有興趣及天份，她說：「我依家學緊油畫，算唔算係？但係如果要我設計，我想設計鞋，我有考慮過讀，因為我好鍾意高踭鞋，屋企有幾百對。（你咁忙，有時間學咁多嘢咩？）盡量抽時間。（唔係應該抽時間拍拖咩？）都好，如果有，我即刻唔畫畫。」

阿佘透露曾畫過一幅自己與母親的自畫像，當作是母親節禮物，她笑言：「佢冧晒，依家放咗喺廳。（一共有幾多作品？）大概十幾幅。（開畫展？）咁快？我好皮毛，學緊立體、陰影嗰啲。」另外，她表示稍後將拍攝一部香港電影及一部內地劇，直言要好好享受最後半個月的休息時間。