徐子珊親身上陣裸背：底線比咀更勁

過往演過無數次警察角色的徐子珊，今次於新劇《點金勝手》又重操故業，飾演探員的她為查出殺死父親的兇手，千方百計接近黃宗澤(Bosco)，為怕觀眾感到重複，子珊於角色造型上也花了不少心思，加入一些日常生活細微動作，如手拿巨形熊仔糖思考，以減低角色的沉重性。

談到假扮同性戀者向胡定欣及梁靖琪獻肉嘴，子珊笑指此舉也不及於鏡頭前作背部全裸，她謂:「個角色為得到定欣信任，咪豁出去囉!拍嗰時我親身上陣，開頭唔知咁激動，劇本冇寫咁多，諗住都係露膊頭，點知拍之前兩日同導演講開，佢話要全露背，不知幾愕然，因為我未拍過咁樣嘛!」由於毫無心理準備，就連keep fit也不夠時間，她笑謂:「惟有盡量背部磨吓沙，都諗唔到點遮，要見膊頭同肚，結果咪淨係黐住前面部份，定欣見到不知幾想笑，但因為roll機要忍笑，佢仲要講好耐嘢。」

適逢當日錄影廠內全男班工作人員，子珊惟有向服裝間同事求助，她謂:「除衫就簡單，點樣踎低執返件衫先係重點，呢幕底線比咀仲勁。」