羅頌欣出書教人扮靚

國際旅遊小姐季軍羅頌欣（Debbie）將於書展推出新書教人扮靚：「本書主題係講Fashion，我會喺書入面教人唔同場合點着衫，例如教女仔點樣着泳衣着得靚。」不少o靚模一到夏天就會「胸」群而出，在書展推出寫真，問到Debbie會推出性感寫真？她說：「有美感就ok，唔好太過意識不良，我唔prefer影食雪糕嗰類相，好容易令人諗歪。」

今時今日做模特兒，好容易被歸類到o靚模一類，問到她會否介意畀人嗌o靚模？她笑說：「o靚模即係指後生，如果讚我後生都冇問題嘅，其實做o靚模都冇乜問題，係睇你做啲咩、影啲咩出嚟啫。」