汪明荃拍外景　出發找劉松仁蹤影

阿姐汪明荃同劉松仁等拍攝無綫新劇出海拍外景，阿姐一早就着到靚一靚到達拍攝場地，阿姐作全程直擊：「今天外景要出海，好熱好晒（曬），帶上草帽看起來清涼些，我鍾意呢個look！」一向拍劇有早無遲嘅阿姐，有見松哥未到，上微博話「出發了，松哥你在哪裡呀！」

阿姐仲貼上好多靚相，戴住帽嘅佢十分雍容華貴！阿姐拍完好開心咁留言話：「外景完畢，回航！大家辛苦了。」松哥亦都喺微博貼上當時嘅相，留言話：「今天天氣雖然熱，但拍了場好戲，樂！」相中可以見到松哥要自己坐快艇上船，似乎真係遲到噃！