Amanda S.沙灘着比堅尼冇人影

名模Amanda S.以一襲tube dress出席活動，她表示近日膚色黑了一點，因為每天早上都穿着比堅尼去沙灘游泳，問她不怕被偷拍嗎？她笑說：「我去咗個半月啦，朝早係唔會有狗仔隊，不過依家講咗我唔會再去。」

她指香港水質較污穢，大浪灣的海水最乾淨，她也有玩滑水，笑言自己十年前曾參加比賽。她又透露現時每天都會做運動，又喝果汁和吃蔬菜，十分健康。問到是否要養好身體迎接生B？她說：「係因為我工作真係好忙，好大壓力，好彩自己一直有運動，所以身形都幾fit，我操到有線條，亦有腹肌，不過我唔鍾意太多。」

談到世界盃，她大讚法國球技出色，令她大感驕傲，但意大利籍老公就很傷心，因為意大利已出局。此外，對於有報道指國際影星里奧勒度情挑人妻名模，而令對方丈夫妒火中燒，繼而自殺身亡，問她丈夫可會容易呷醋？她即說：「意大利人好熱情，而且佢知我性格，我同佢之前都唔係有好多男朋友，我好專一（中田英壽？）老公都識佢，大家有一齊食飯，我識中田好耐啦，肯定唔會有嘢。」