腰傷林峯頂硬上跳舞：做多啲熱身就得

林峯出席活動，提到早前因腰部舊患缺席上海電視節宣傳，他表示：「ok，唔嚴重，做鍛鍊就得，8月佛山巡迴演唱冇影響，今晚都要跳舞，問題唔大。（用腰封？）坐長途車要。（食藥？）之前都有食止痛藥，係骨同骨之間傷咗，舊患，以前吊威也整傷。」提到腰對男人最重要，林峯即笑笑口說：「男女都重要，都會影響工作，做多啲熱身就得。」

強調千語與家人關係冇問題

提到細佬與女友吳千語的不和傳聞？他直言得啖笑，不需回應：「唔想牽涉家人，放過我哋。（係咪好耐之前嘅事？）係冇呢件事。（千語同家人關係？）冇問題。」