黃翠如等蕭正楠歸位玩親密遊戲

20140628
東網電視
更多新聞短片
自從公開戀情後,黃翠如未與蕭正楠以情侶檔出席活動。
藝人黃翠如和洪永城再以「情侶檔」出席活動。問到何時飛走洪永城,換男友蕭正楠(Edwin)情侶檔?翠如笑說:「洪永城啱啱先話我係朋友Leve l中最低層,叫我排吓隊。」洪永城即解釋因近日要趕拍劇集《天眼》無暇招呼朋友。翠如說:「不嬲知喺佢心目中重要得嚟好唔重要,重要得嚟在心中,唔重得嚟任何時候擺埋一邊,最近都有啲掛住佢,因為佢拍劇好耐冇見面。」
對數字唔敏感
問有否獲邀與男友Edwin情侶檔出活動?翠如說:「要問公司先知。(搵你會做?)要問經理人。(自己介唔介意?)自己乜都冇所謂,因為我哋拍劇,嚟緊劇出街都要宣傳,所以都冇乜所謂。(活動上玩親密遊戲都得?)幻想唔到,我同洪永城都成日要我哋玩親密遊戲啦!」
問與Edwin酬金可能會更高,她說:「我同洪都好似價唔錯,但主要啲錢喺我度。(同男友可能全數歸你!)都唔錯喎,( 數你管?)我對數字好唔敏感,最後啲錢都係爸爸媽媽管。」
唔着意大利隊球衣睇世盃
談及世界盃,她睇好巴西和荷蘭入決賽:「希望巴西贏冠軍,尼馬腳法好勁。」本身是意大利球迷的翠如對意大利隊出局感到好傷心:「我覺得係個球證唔啱,每逢意大利對賽我都好着意大利波衫支持,依家出咗局都冇得着喇。」