敖嘉年明年加國注冊結婚

敖嘉年在尖沙咀出席新劇《寒山潛龍》宣傳活動， 對於有指已婚兼暗撻唐詩詠，對被拍得二人密會一事，他一概作出否認：「佢學緊電單車，嗰次我帶佢去買頭盔。（暗撻？）唔係，邊會暗撻，我哋識好耐，佢會帶我去佢整開頭髮嗰度，佢問開我知我學電單車，咪帶佢去駕駛學院一齊學囉，佢又想衛生啲，咪帶佢去買個平平哋嘅頭盔囉。（擔心女友詐型？）佢未知，但嗰日影完預咗，冇乜所謂啦！（問責？）唔怕，佢都識詩詠，同詩詠都冇乜特別要避忌，都唔需要啦，識太耐喇！

敖嘉年又表示目前還是未婚，但已決定明年在加拿大注册，之後不會在港大搞：「喺香港會同屋企人食飯，我唔想大排筵席搞到啲朋友，因為屋企人都唔想太過鋪張，我諗《梟雄》拍到年尾，之後會同最親嘅人擺兩、三圍。」