愛犬拍廣告江美儀要做保姆

藝人江美儀與郭柏榮出席導盲犬活動，帶同愛犬同行的美儀，笑指愛犬有份參與其劇集《點金勝手》演出，沒料劇集出街後，愛犬受歡迎程度比她高，美儀謂：「頭先啲人叫佢Teddy BB（有冇廣告商搵佢拍廣告？）我諗都快，但條件係我要做埋保姆，幾多錢？咁就面議啦！佢老豆OK就得。」

早前患病的她，曾定下康復後展開80日環遊世界目標，結果真的付諸實行，先後去過上海、新加坡、日本等地度假，稍後更會到馬來西亞，問到會否不捨得離開愛犬，美儀笑謂：「佢愈來愈乖，唔會我唔喺度就唔食嘢（會唔會再養多幾隻？）隨緣啦！」