郭富城媽咪眼部手術順利　齊齊睇靚景

一向以孝順出名嘅天王郭富城（城城），除咗醉心於工作之外，佢亦不忘抽空陪媽咪。今晚城城喺微博上貼咗一張靚靚風景照，並留言：「和媽媽家人吃飯。再次感謝黃醫生和妳們的優秀醫學團隊為媽媽進行眼部手術！很順利！讓老人家看到這美麗的景色！」原來城城媽咪日前進行咗眼部手術，至今視力已經恢復得七七八八，網友知道之後都為佢媽咪送上祝福，希望伯母日後可以無病無痛，身體健康！